नाव- नाच ग घुमा
लेखिका - माधवी देसाई
मी वाचलेले पाहिले स्त्रीवादी साहित्य म्हणजे हे माधवी देसाई यांचे नाच ग घुमा हे आत्मचरित्र होय. स्त्रीवादी म्हणजे स्त्रियांनी लिहिलेले साहित्य एवढेच नव्हे, तर त्याहून अधिक आहे. स्त्रियांच्या आयुष्यातील संघर्ष, त्यातून त्यांनी काढलेला मार्ग, किंवा त्यातच आयुष्य रेटत चाललेल्या स्त्रियांचे आत्मकथन आढळते.
स्त्रीवादी साहित्य हे मवाळ स्त्रीवाद वा जहाल स्त्रीवाद या दोन भागांमध्ये विभागलेले आहे. त्यातील मवाळ स्त्रीवादी प्रवाहातील हे आत्मचरित्र फार प्रसिद्ध लेखकाच्या पत्नीचे होय.
स्वामिकार, रणजित देसाई, यांच्या पत्नी माधवी देसाई यांनी आपल्या आयुष्यातील महत्त्वाचे क्षण आणि घटना यात टिपल्या आहेत. मध्ये मध्ये हे पुस्तक फार कंटाळवाणे किंवा हळू हळू जाणारे वाटते. परंतु तरीही हे पुस्तक वाचनीय आहे.
जर तुम्हाला स्त्रीवादी साहित्य वाचायचे आहे आणि तुम्ही फक्त सुरवात करत आहात तर हे पुस्तक तुम्ही नक्कीच वाचू शकता.
त्यांनी त्यांचे आयुष्य कसे घालविले, एका प्रतिष्ठित लेखाची पत्नी होणे काय होते व त्यांना त्यातून कसे दिवस घालवावे लागले, तसेच सर्वांसाठी सर्व गोष्टी करूनही शेवटी आपणच वाईट ठरतोय असे समजून सुद्धा इतरांसाठी झटणारे माधवी देसाई यांचे जीवन वाचावेच असे मला वाटते. जवळ जवळ 300 पानांचे हे आत्मचरित्र माणसाला विचार करायला भाग पाडते. त्यांच्या आयुष्यातील घटनांकडे पाहून त्यातून बोध घ्यायला मिळतो. दुसऱ्यांसाठी जगता जगता माधवी देसाई स्वतःतील माधवी कडे गोष्टी करायच्या आणि त्यातून त्यांच्यातील लेखिका जिवंत झाली आणि त्यांनी अनेक पुस्तके लिहिली आहेत. त्यांची इतर पुस्तके देखील मला वाचायची आहेतच, परंतु हे त्यांचे पहिले, त्यांनी लिहिलेले पुस्तक वाचून मला खूप आनंद मिळाला.
Comments
Post a Comment